فيديو مزوار والهمة. كلشي مسؤول وبعدو من الحياة الخاصة سواء ديال بنات ياسمينة بادو ولا نادية ياسين ولا ناس العدل والاحسان او البي جي دي ولا كريم التازي او عبد المومني وبنتو ولا مزوار او الهمة او شي حد من العائلة الملكية

"كود" كانت ومازالت ضد توظيف الحياة الخاصة فالحرب السياسية. كانت ضد ما تعرضت له نادية ياسين نجلة عبد السلام ياسين زعيم العدل والاحسان. كتبت حينها "دفاعا عن نادية ياسين" واكدت ان مواجهة العدل خاصها تكون بالافكار ماشي بالوسخ وان السيدة سواء كان الفيديو صحيح او لا عندها مواقف سياسية خاصها جواب سياسي. نبهت حينها لما حدث اليوم. من بعد نشرت اخبار تجنبت "كود" دائما اخبار كانت تصلها على اعتقال قياديين من العدل والاحسان. المبدع حميد زيد دافع عنهم وهاجم توظيف تيار في الدولة لهذا النوع من السلاح. حدث الامر نفسه مع بعض قادة "العدالة والتنمية في بعض الاقاليم. فضيحة اخرى تم توظيف ما هو شخصي لتصفية الحسابات مع حزب سياسي. وضاعة وحقارة كبيرة.
رجل الاعمال كريم التازي وصديقه الناشط عبد المومني نالا نصيبهما عندما تم توظيف ابنة عبد المومني في وضاعة قل نظيرها. كان الهدف التازي يتخاصم مع عبد المومني. دابا مال هاد عبد المومني وبنتو تاخذ تلفون ولا جوج وثانيا هاديك شركة خاصة دير فيها ما بغات ياك مولاها ما شكى لحد.
احمد رضى بنشمسي ناشر "تيل كيل" و"نيشان" كلى مسكين لعصا سبوه وسبو تاصيلتو حقاش مختالفين منو. وظفو ما هو شخصي باش يصفيو حسابهم معه. هادي طبعا وضاعة.
هاد الشي خرج على السيطرة وكلشي ولى كيوظفو. نتذكر صور الاميرة لالة حسناء انتشرت ايام عشرين فبراير، الهدف منها تشويه سمعة العائلة الملكية. اميرة كتعوم اش فيها وعلاش باغيين خصوم سياسيين وضعاء يوظفو هاديك الصورة. اليوم كاين هاداك الفيديو ديال مزوار والهمة واخا ما باينش باللي الهمة فبار فالدوحة. علاش هاد الوضعاء وظفوا فيديو باش يصفيو حساباتهم مع الهمة بالاساس اما مزوار فراه في عداد الموتى.
من غريب الصدف ان "كود" سبق ان سالت صلاح الدين مزوار خلال الحملة الانتخابية ل2011 ياك حزبك مدافع على الحريات الفردية علاش ما دافعتوش على نادية ياسين وما تعرضت له. كان جوابه يشبه مواقف حزبه الجبانة. كاليك يا سيدي خاص نادية ياسين تتصل بيهم وتخبرهم. ردت عليه "كود" حينها "هذه مواقف مبدئية لا تحتاج الى مشاطرة هذا التيار افكاره ولا تنتظر منها مراسلتكم. طبعا لم يرد. ها هو اليوم طاح فنفس الموقف.
باش هاد الشي نساليو منو ماشي كاخبار بل كتصفية حسابات سياسية او غيرها خاص مواقف مبدئية من طرف الجميع. خاص اللعب يكون نقي. ايلى الدولة وظفاتو فوقت من الاوقات وكلشي سكت عليه هاهو تقلب عليها دابا