المغربية والدة الشابة بمارتيل تكذب الرواية البوليسية بسبب "اللباس غير المتحشم" فرمضان تصرخ: البوليس مابغاوش ياخدو لينا حقنا وها الحقيقة كولها

كشفت والدة الفتاة التي تحمل الجنسية الألمانية عن تفاصيل جديدة بخصوص تعرض إبنتها للهجوم من لدن عشرات المواطنين بالسوق المركزي بمدينة مرتيل بسبب "لباسها غير المحتشم خلال شهر رمضان".
وقالت والدة الضحية: "جينا يوم الاحد لمرتيل اول ماوصلنا للسوق بغينا نتقضاو باش نمشيو للبحر ووقفنا عند واحد الراجل عندو اللّحية وواحد الساعة بنتي بدات تشرب واحد القرعة ديال العصير ومكاملاش ثواني صغيرة حتى شفت الشعب بدا كيتراما علينا ويردد "الجهاد الجهاد نغير المنكر" وشويا بدينا نشوفو السيوفا والجناوة والعصي وبداو يجريو علينا بحال يلا حنا فأفغانستان وانا جبت بنتي باش تعرف المغرب وتتعرف على الثقافة ديالو وبالفعل الشغب المغربي عرف بنتي على الثقافة ديال المغرب".
وفي ردّها على بلاغ ولاية أمن تطوان التي نفت تقديم شكاية في الموضوع، أضافت المتحدثة، قائلة: "مشينا للسلطات اللي كانو تما واقفين والناس تابعينا كانوا غادي يقتلونا حتا تخبعنا ف السيارة وشّدينا علينا فيها وللأسف الشرطة مدارت حتى شي حاجة وقالونا فقط سيرو صورونا الباسبورات ديالكوم ورجعو حتى لمورا لفطور ومني رجعنا بغينا نديرو شكاية فالموضوع ويوشوف دوك الناس اللّي تعدّاو علينا لكن مابغاوش البوليس ياخدو لينا حقنا وصيفطونا عاود حتى لبعد 24 ساعة من وقوف الحادث وطلبو منا شهادة طبية".