مالهوم حاطين على الحركيين. برلمانية دالسنبلة تعرضات لهجوم فالطريق السيار وقالت لكود”عشت ساعة فالجحيم”

تعرضت البرلمانية عن حزب الحركة الشعبية “ليلى أحكيم”، لهجوم على الطريق السيار الرابط بين تاوريرت والرباط.
وكانت البرلمانية متجهة للرباط لحضور انتخابات جمعية الاعمال الاجتماعية للبرلمان، لتتعرض لهجوم رفقة سيارة أخرى، حيث انفجرت عجلتان لسيارتها واضطرت للهروب لمسافة عشرة كيلومترات رغم تهالك اطار العجلتان.
وفي اتصال هاتفي قالت أحكيم ل”كود” : لبارح ساليت قافلة طبية معطلة شوية وخرجت ماشية للرباط ملي وصلت للوطوروت شفت فالداخل شي ثلاثة دالناس واقفين على الجدار العازل بين الذهاب والمجيء، قلت يمكن كيقطعو الطريق ولكن شفتهوم كيلوحو شي حاجة فالطريق والسيارة لي قدامي بدات كتهرب، وانا هربت ايضا ورغم ذلك دزت على شي حاجة وطورطقو ليا جوج روايض”.
وأكدت أحكيم أنها اصيبت بالرعب جراء ذلك مضيفة: ” كنت باغيا غير نهرب وماكانفكر فحتى حاجة، بداو الروايض كتشعل فيهم العافية، ولكن ماقدرتش نوقف خايفة يكونو تابعيني، حتى وصلت لاول محطة وقفت تماك وعيطت للدرك، وكانت السيارة ميمكنش تتحرك نهائيا.”
جاو الدركيين ومشاو دارو خدمتهوم على اكمل وجه بلا ما نقوليهوم صفتي، ومشاو لمكان الحادث وفتحو تحقيق فالموضوع.