انتصار كبير للمغرب: الاتحاد الافريقي مابقاش غادي يتدخل ف الصحراء

قال معهد الدراسات الامنية الافريقي ان الاتحاد الافريقي غادي ف توجه جديد وهو يحد من تدخلو ف نزاع الصحراء وغادي يكتفي بدعم جهود الامم المتحدة و مراقبة الوضع من طرف مجلس فيه ثلاثة د الرؤساء د الدول.
هادشي يعني ان الاتحاد الافريقي ماغاديش يناقش قضية الصحراء ف اجتماع السفراء ف اديس ابابا او ضمن اجتماعات مجلس الامن و السلام الافريقي
و يعد حسب المعهد هدا القرار اول مرة يتجه فيها الاتحاد الافريقي للحد من تدخلو ف نزاع وسط القارة الافريقية.
وهاد الخطوة تعد انتصار كبير للمغرب اللي من الاول يدعو للاكتفاء بالامم المتحدة خصوصا و ان اجهزة الاتجاد الافريقي اغلبها مع الطرح الجزايري الانفصالي.
ورجوع المغرب للاتحاد الافريقي هو اللي عطا بعد اخر لفهم النزاع من طرف الافارقة،ف الاول كانو كايناقشو القضية ك” محاربة الاستعمار” و ودابا ولات نزاع او صراع بين طرفين او عدة اطراف و بالتالي ولاو يدعم خلاصات الامم المتحدة اللي فيها الدعوة لمفاوضات بلا شروط بين هاد الاطراف.
و على العموم اصلا حسب نفس التقرير قليل فين نجحات تدخلات اجهزة الاتحاد الافريقي من الحد من الصراعات و الحروب ، وكتبقا هادشي كلو غير شكليات و للاشارة ف الاتحاد االافريقي كان عندو مبعوث خاص بالصحراء وكاييدير تحريات و تقارير تاهو بحال المبعوث الاممي.