سابقة فجامعة الأخوين.. الأساتذة قاطعو الدراسة وهازين ملف مطلبي

في سابقة من نوعها، قرر أساتذة جامعة الأخوين بمدينة إفران مقاطعة الدراسة، ورفع ملف مطلبي لرئاسة الجامعة ومجلسها الإداري. وحسب مصادر جامعية، ل”كود”، فإن الأساتذة ديال الأخوين قررو باش يقاطعو الدرسة لمدة ثلاثة أيام، وانطلقت هاد الخطوة اليوم الأربعاء وغادي تستمر إلى غاية بعد يوم غد الجمعة.
أساتذة جامعة الأخوين التي أسسها الراحل الحسن الثاني 1992، حسب المصادر نفسها، ل”كود”، دخلو فهاد الشكل الاحتجاجي الأول من نوعه للمطالبة بمراجعة العقود التي تجمعهم بهاد الجامعة اللّي كيقراو فيها ولاد الأعيان ديال لبلاد .
رئيس الجامعة ادريس اعويشة يعيش هاد الأيام على أعصابه، سيما أن هاد الأساتذة قرروا باش يديرو مكتب نقابي ديالهوم لتسطير خطوات احتجاجية غير مسبوقة غادي تشل الحركة فهاد الجامعة وتخلي السنة الدراسية بيضاء.