عزيز أخنوش دخل لعالم “انستكرام” باش يقرب من الشباب ويبارطاجي معاهم حياتو اليومية -فيديو

وزير الفلاحة والصيد البحري والتنمية القروية والمياه والغابات عزيز أخنوش قرر يدخل لعالم “انستكرام” لي فيه بزاف ديال الشباب ومختلف كليا على فايسبوك.
أخنوش دار البارح أول فيديو في صفحتو على انستكرام، وكشف فيه أنه كان في بني ملال وازيلال ومراكش وتلاقا مع بزاف ديال ناس، وقال أنه دار فيديو باش يكمل الحوار مع المواطنين خصوصا الشباب.
View this post on Instagram
السلام عليكم، أزول، هذا أول فيديو ليا في إنستغرام. درت هاد الكونت باش نتواصل معاكم نتوما الشباب، نتعرف أكثر على الانتظارات ديالكم ونبارطاجي معاكم جوانب من الحياة اليومية ديالي. هدي تجربة جديدة بالنسبة ليا. كنتمنى أنكم ترحبو بيا فهاد الفضاء لي هو ديالكم، و ماتبخلوش عليا بتعليقاتكم وآراءكم.
A post shared by Aziz Akhannouch (@azizakhannouch.official) on Nov 5, 2019 at 9:37am PST
وكتب أخنوش على الفيديو الأول ديالو “السلام عليكم، أزول، هذا أول فيديو ليا في إنستغرام. درت هاد الكونت باش نتواصل معاكم نتوما الشباب، نتعرف أكثر على الانتظارات ديالكم ونبارطاجي معاكم جوانب من الحياة اليومية ديالي. هدي تجربة جديدة بالنسبة ليا. كنتمنى أنكم ترحبو بيا فهاد الفضاء لي هو ديالكم، و ماتبخلوش عليا بتعليقاتكم وآراءكم”.
وفي 6 ديال السوايع وصل عدد المتابعين ل 3700 شخص، والتفاعل مع الفيديو كان كبير، و400 واحد كتبو ليه تعاليق وأسئلة.