ولد لكرية ل”كود”: ماعمري غادي نعتزل لغنا ومغاديش نبقا اندير شي عمل مع لزعر

تدوينة نشرها الرابور يوسف المحيوت المعروف ب”ولد لكرية” على “الانستغرام” خلقات نقاش كبير على مواقع التواصل الاجتماعي. التدوينة كيقول فيها: “باي الراب… حياة جديدة صفحة جديدة صولو ديال راسي”.
هاد التدوينة كل واحد وكيفاش فهمها. كاين اللي سحابو ان ولد لكرية اعتزل الفن وسالا بعد الأغنية اللي جماعتو مع “لزعر” و”لكناوي” وحققت نسبة مشاهدة كبيرة على يوتوب، وكان اللي شاف أن التدوينة فيها رسائل وصافي لشي جهات.
“كود” سولات ولد لكرية وقال على أنه معتزلش الفن بشكل نهائي، موضحا أن داك التدوينة كتبها البارح بسبب ما التصريحات الأخيرة التي صدرت عن وزير الثقافة ديال منع جميع أنشطة الراب بسبب أغنية عاش الشعب.
وبخصوص شنو كيقصد بداك حياة جديدة صفحة جديدة صولو ديال راسي. أوضح ولد لكناوي: “كنقصد أنني غادي نبقا تخدم لراسو ونغني راسي بلا ميكون معاي شي حد سواء لزعر أو من غيرو”.