صحيفة “ليكيب” الفرنسية أكدت أن الشرطة الفرنسية ألقت القبض على العصابة، لي سرقات مجوهرات اللاعب المغربي السابق مصطفى حجي والمدرب المساعد للمنتخب المغربي. هاد الصحيفة أكدت بلي منزل حجي تعرض لعملية سطو من طرف عصابة محترفة فالسرقة، بعدما استغلت وجوده فالمغرب وبلغت قيمة المسروقات 85 مليون سنتيم. البوليس قبط على 4 ديال الشفارة متهمين ووجه ليهم القضاء الفرنسي تهمة سرقة مجوهرات وساعات يدوية ومازال التحقيق جاري معهم قبل إحالتهم على السجن. وما شي بعيد تستدعي الشرطة الفرنسية مصطفى حجي باش تسمع ليه في هاد السرقة، لي رجعت كتستهدف نجوم كرة القدم في مختلف البلدان الإفريقية.