وتگول واش بغات تحشم.. دنيا باطمة كانت فمعرض واستغلات حضور الجمهور باش دوز ميساجات فقضية “حمزة مون بيبي”

المغنية دنيا باطمة ولات مخلطة الشكلي في العكلي وديما كتدير الإسقاط باش تدوي في صالحها على قضية تورطها في ملف “حمزة مون بيبي” لي متابعة فيه في حالة سراح بعدما خلصات كفالة بفلوس صحيحة.
نهار الجمعة مشات حضرات لمعرض في قيسارية ديال الذهب في سيدي معروف في كازا والنساء ديال المنطقة جاو بالعشرات بغاو يتصورو معاها ويشوفوها بصفتها فنانة.
View this post on Instagram
الرأي العام على أرض الواقع احبكم وشكرا على حبكم وتقديركم لي الله يكبر بيكم ناس بلادي لعزاز،هذا ماشاء الله ومدرناش اعلان عن تاريخ الحضور كنحماق عليكم ❤️???????? حب الناس لا يقدر بثمن والقبول من الله سبحانه وان ينصركم الله فلا غالب لكم ???????????? شكرا حبيبتي @salmaomariofficial وحبيبتي هاجر ❤️
A post shared by Dunia Batma ???????? ???? (@dunia_batma) on Jan 18, 2020 at 3:48am PST
باطمة استغلات هاد الحضور وصوراتهم بتلفونها وكتبات “وإن ينصركم الله فلا غالب لكم”، بحالا هاد الناس جايين هازيين العلام وطالبين راغبين في البراءة ديالها من الملف لي ولا قضية رأي عام.
المغنية اعتبرت أن حضور هاد الناس هو تشجيع ليها ودعم وهوما “الرأي العام” الحقيقي ماشي الافتراضي. وهوما في الأصل عيالات جاو للقيسارية باش يشوفوها كنجمة غناء بعيدا عن قضية عصابة التشهير والابتزاز لي هي متهمة فيها.