قضية حمزة مون بيبي منوضة الكلاشات وضريب المعاني بين سلمى رشيد ودنيا باطمة

من زمان معروف الخلاف لي بين دنيا باطمة وسلمى رشيد، وفي أكثر من مناسبة حساب “حمزة مون بيبي” هاجم سلمى وشن عليها الحرب.
هاد الوقت وملي تم متابعة دنيا باطمة بتهم قاصحة فقضية الحساب في حالة سراح بعدما خلصات كفالة، قالت سلمى رشيد في لقاءات صحفية بمناسبة الترويج لأغنيتها الجديدة أن أكثر حاجة غادي تبقى فيها هي غزل طفلة باطمة حيت ماتبغيهاش تعيش بعيدة على حضن والدتها.
باطمة بيه فيه حطات تصويرتها مع بنتها وكتبات “ناري غزل شحال بعيدة عليا بيني وبينها صبع ديال التيساع”، ورجعات سلمى أكدات أن عندها الثقة الكاملة في القضاء المغربي لي غادي ياخد حق جميع ضحايا العصابة لي كانة متخصصة في التشهير والسب والابتزاز.
وقالت سلمى رشيد “الموضوع كان من الأول بالنسبة ليا تافه. لي كيمس بولاد بلادو كيمس بالوطن. كنبغيو بعضنا وكنبغيو المنافسة لكن مايكونش الكره والحقد والحسد وتصفية الحسابات بالسب والابتزاز”.
دنيا ماتعطلاتش البارح عوتاني وكتبات في ستوري الانستكَرام “Vu..” ودارت ايموتيكون باكي وكيمسح نيفو.