التفاهة فزمن كورونا.. مغربية طلعات لايف مع نهيلة أملقي وقالت ليها نشدك نتفك حيت كتعجبي راجلي -فيديو

انستگرام من نهار بدات حالة الطوارئ في المغرب للخد من انتشار فيروس كورونا، هادي كثر من 3 سيمانات، وماكاين غير اللايفات والتجمعات، باش الناس يقتلو الملل ويجددو شوية الطاقة، وفي نفس الوقت الناس كيدويو مع المتتبعين والعائلة ديالهم.
البارح الماكيوز نهيلة أملقي لي مشهورة بباربي دارت لايف وطلعات معاها وحدة مبغاتش تبان، حيت مابغاتش راجلها يشوفها. الهضرة ديال السيدة باينة غير طانزة على نهيلة وقالت ليها راجلي متبعك وكتعجبيه وكنغار منك وإلى شفتك نتفك.
نهيلة لي بقات شادة معاها الخط طلبات منها تبلوكيها من الحساب ديالو، لكن الزوجة قالت أن راجلها داير البصمة للتلفون.
هاد الضحك الباسل يقدر يبان عادي لبزاف، ولكن في العمق ديالو راه كيبين قوة التخلف لي في بعض المغربيات، وقمة الخضوع للراجل، والقمع لي كتعيش فيه ليه المرا والدل.