لبارح واليوم، درجة الحرارة فمجموعة من المدن فالمغرب عرفات ارتفاع كبير، خلاها تجي فالمراكز اللول عالميا فالصهد. واليوم الخميس 28 غشت، وحسب موقع "ليردورادو ويذر" المختص فأحوال الطقس فالعالم، فمدينة تارودانت جات الثانية على الصعيد العالمي فقائمة الدول اللي فيها حرارة مرتفعة من بعد مدينة حرات الأفغانية. بالنسبة للمدن المغربية الأخرى، فأكَادير المسيرة فالمركز الثالث، والصويرة فالمركز الخامس، ثم أكَادير فالمركز الثامن، ومراكش فالتاسع، وكَلميم فالمركز 12،وكاينة مدن جزائية وكوييتية كذلك احتلات الصدارة من حيث الصهد. وحتى لبارح الأربعاء 27 غشت مدن مغربية كثيرة جات فمقدمة المدن السخونة عالميا، بالإضافة لتارودانت اللي كانت جات فالمركز الثالث بعد حيرات الأفغانية ونيوفو ليون المكسيكية، وأكَادير المسيرة اللي جات الرابعة، وأكَدير والصويرة ومراكشوكَلميم اللي حتلو نفس الترتيب، جات آسفي فالمركز 14، وتازة فالمركز 15. وكانت مديرية الأرصاد الجوية علنات، فنشرة إنذارية ليها، على ارتفاع درجة الحرارة فمجموعة من المناطق فالمملكة، ابتداء من الثلاثاء اللي فات وإلى غاية اليوم الخميس.