من بعد 30 عام.. بطل كوڤر ألبوم "نيرڤانا" المشهور دعا الكَروب: تصويرتي فيها استغلال جنسي – فيديو

سبنسر إلدن (Spencer Elden)، اللي عندو 30 عام دبا، هو الدري الصغير اللي تصور عريان في غلاف ألبوم كَروب الكَرانج الميريكاني "Nirvana نيرڤانا" اللي خرج في 1991، وقرر أنه يدعي الكَروب حيت استعملو تصويرتو بلا موافقتو.
إلدن قال أنه ماكانش غادي يوافق على استعمال تصويرتو وأكد أن حتى والديه ماعطاوش الموافقة ديالهم فديك الوقت.
واضاف سبنسر أن تصويرتو هي مادة جنسية إباحية حيت واخا الكَروب عطاو الكلمة باش يدرقو أعضاؤو الجنسية إلا أنهم من بعد خلاوها باينة.
السيد دابا كيطالب بتعويض مايكونش نازل على 150 ألف دولار.
سبنسر إلدن فاش خداو ليه التصويرة كان ف عمرو 4 شهور، وهي اللي تدارت على الپوشيطة ديال ألبوم "Nevermind" الاسطوري اللي خرجو "نيرڤانا" ف 24 سبتمبر 1991.