تشيلسي سبب فشل انتقال زياش لباريس سان جيرمان

تسبب عدم التزام تشيلسي الانجليزي فالفشل ديال صفقة انتقال الدولي المغربي حكيم زياش إلى باريس سان جيرمان الفرنسي خلال الميركاتو اللي سالا البارح، الشي اللي غيخلي اللاعب المغربي يعاني حتى لنهاية هاد الموسم حيث ما كيلعبش بزاف ديال الوقت مع الفريق الانجليزي.
وحسب تقرير ديال جريدة "ليكيب" الفرنسية فتشيلسي الإنجليزي هو السبب الرئيسي فالفشل ديال الصفقة حيث 3 المرات وهو كيرسل العقد في مشكل لباريس سان جيرمان، فالمرة الأولى كان العقد فيه غلط والمرة المرة الثانية ما كانش موقع، والمرة الثالثة رسلو العقد ولكن معطل وكان فات الوقت واللي كان محدد آخر أجل منو يوم الثلاثاء مع 11 ديال الليل.
وحسب نفس المصدر فاللجنة القانونية ديال الإتحاد الفرنسي لكرة القدم رفضت اليوم الأربعاء، طلب باريس سان جيرمان بتسجيل حكيم زياش فالميركاتو إعارة من تشيلسي الانجليزي وبالتالي الصفقة فشلات، مع العلم أن اللاعب كان غيجي لباريس سان جيرمان إعارة لمدة 6 أشهر حيث مرتبط بعقد مع تشيلسي حتى 2025.