1- نبداو بالمسؤولين السمان اللي كيخونو الامانة وكيستغلو نفوذهم باش يانسطاليو الاقارب ديالهم في مناصب لا يملكون مؤهلاتها، و لديك المسؤول اللي سد عليه الباب كيفتحها غير ل اللي على بالكم، و لديك مساعد المسؤول اللي كيعزل الرئيس ديالو على المواطنين و كيلعب في المساحة و الهوة اللي عدلها راسو ، و لديك السماسرية دالمسؤولين المغشوشين اللي كيبلغو المعلومة على قد عبارهم ، ولديك المسؤول اللي كيعمل راسو مشافشي المنكر فمؤساستو باش ميخدمشي و يونوضوا عليه كوريلا التشهير و التشويه في التواصل الاجتماعي ….أغلبهم ما خصهم صداع….. 2- أيضا خص تتعاود التربية لديك السياسي اللي تعلم يركب على الموجة : و دربوه كيفاش يصنع راي عام مغشوش باستغلاله مجموعة دالمكلخين اللي ينفدوا لو الاجندة ديالو نيابة عنه، ويتبث ثقافة غريبة عن قيمنا و اعرافنا من خلال التلاعب بمشاعر المغاربة و دغدغة قلوبهم باستعماله كلام د المومنين و كيصدقوه رغم علمهم بمنافقته لهم … خص تتعاود التربية للنصابة السياسيين اللي كيقولو عندهم ديمقراطية داخلية رغم أن قيادتهم عمرت 30 عام ” أعباد الله” ….راه اللي خص تعاود ليه التربية هو ديك الحزب اللي كيبتز البلاد بالامن ديالها 3- خص تتعاود التربية لديك اللي ساكتين على قول كلمة الحق او على الاقل مساندة لديك اللي قالها، ماشي كلشي خايف يمشي ضد الموجة، راه التوابث اللي تفاهمو عليها المغاربة بالاغلبية كتهان و خديناها كمستملحة…. راه الصمت ديالنا عيشبر بنا الحدورة…. راه الناس تخلصت فينا من الخارج وحنا كنعاونوهم بلا من ردو لبال …… الخلاصة : صمتنا هو السبب في اشاعة الفاحشة في بلدنا ، صمتنا هو السبب في ظهور طفيليات سياسية خبيثة تنافق و تراوغ همها الوحيد حصد المكاسب و الغنائم لفائدة انكشاريتها ، صمتنا هو من جعل هذه الطفيليات تجتمع وتشكل قوة من أجل ابتزاز الدولة و مفاوضتها بامنها….. صمتنا هو من ترك الانتهازيين يتسلقون المناصب رغم عدم اهليتهم لها… صمتنا هو من ترك اليوتوب و انستغرام و الفايسبوك يعملوا فينا مابغاو…. المهم الله يخرج العاقبة على خير وصافي…
