نهار كيخلع بزاف دوزاتو كازا فالتاسع من رماضن. المدينة شهدات البارح وقوع مواجهات دامية، كان مسرح ليها حي رياض الولفة، حيث، من خلال فيديو كيوثق هاد الأحداث، من المؤكد أنه طاحو فيها بزاف ديال المصابين، نتيجة أعمال العنف الخطيرة لي اندلعت. ويظهر الفيديو المتداول عبر موقع التواصل الاجتماعي (فيسبوك) تفجر اصطدامات بين مجموعات، فيهم أفارقة ومغاربة، تستعملات فيها الحجارة والعصي وحتى الأسلحة البيضاء، في مشهد عمته الفوضى وصراخ ساكنة المنطقة لي عاشو لحظات فزع غير مسبوقة. ووفق دائما المشاهد التي تضمنها الفيديو دائما، فإن هاد الأحدث قلبات حي رياض الألفة سفاه على علاه، إذ أمام التراشق الكثيف بالحجارة سارع مستعملي الطريق إلى الفرار بسياراتهم من مسرح المواجهات فيما لجأت أسر إلى الاختباء وإغلاق مساكنهم، وذلك بينما كانت يخلف اشتداد التعارك بالعصي والأسلحة البيضاء المزيد من المصابين ويرفع حصيلة الخسائر المادية، التي طالت قائمتها ممتلكات عامة وخاصة. واستمرت هذه الأحداث فترة طويلة من الوقت ساد فيها قانون الغاب كلها كيدير شرع يدو، في غياب للسلطات المختصة لي ما تعرفش واش دخلات في الوقت المناسب لوضع حد لهاد الإخلال بالنظام العام ولا بقات تفكات الراسها، بعدما ولات الأوضاع لأن الطايح ولا كثر من النايض. وقد خلقت هاد المشاهد الدامية حالة من الرعب وسط ساكنة هاد المنطقة، حيث ولا كلشي خايف على راسو من هاد السيبة لي عاشها حي رياض الألفة البارح، وهو التخوف لي عم جميع الكازاويين، ولي مرعوبين تمتد رقعة مثل هاد الأحداث لي مخيفة ومخيفة بزاف وخاص التعامل معاها بصرامة قانونية كيفما بغا يكون المتسبب أو المتورط فيها.