[email protected] علق وزير الفلاحة والصيد البحري والأغذية الإسباني، لويس بلاناس، على الإستناجات ديال المحامية العامة بمحكمة العدل الأوروبية، بخصوص الإتفاقيات التجارية بين المغرب والإتحاد الأوروبي. وقال فويس بلاناس فتصريحات لوكالة الأنباء الإسبانية، أن الاتحاد الأوروبي مستاعد لأي سيناريو بخصوص إتفاق الصيد البحري بين الإتحاد الأوروبي والمغرب، وذلك قبل حكم محكمة العدل الأوروبية اللي غادي يصدر فالأشهر القليلة الجاية. وصرح وزير الفلاحة والصيد البحري والأغذية الصبليوني، اللي كان حاضر فالإجتماع غير الرسمي ديال وزراء الثروة السمكية في الدول السبعة والعشرين ديال الإتحاد الأوروبي أنه ما خاصش الحكم على الوضع مسبقا، وأن الإتحاد الأوروبي ومفوضية الإتحاد الأوروبي خدامين على هادشي. وأضاف لويس بلاناس فسياق التصريحات ديالو، أنه خاص الاوروبيين يساينة الحكم باش يشوفو شنو غادي يوقع وشناهي التبعات ديال هاد الضوسي، مردفا أنها اتفاقية ديال الصيد، ولكنها أكثر قليلاً من مجرد اتفاقية صيد، بحيث كتعني بلد موثوق وشريك وصديق للاتحاد الأوروبي بحال المغرب، الشي اللي خاص الإتحاد الأوروبي يحطو فالإعتبار. واوضح لويس بلاناس، أن المفوضية الأوروبية ومجلس الاتحاد الأوروبي والدول الأعضاء بحال إسبانيا كيعتابرو أن الاتفاقية المبرمة في عام 2019 تتوافق مع قانون المجموعة والقانون الدولي، مشيرا أن محكمة الاتحاد الأوروبي لا تتبع دائمًا معايير المدعين العامين، مبرزا أنه كاين قضايا تتبع فيها المحكمة معايير النائب العام وأخرى لا تتبع فيها هذا المعيار، مشددا على عدم إستباق والإنتظار وإحترام وقت المحكمة ومداولاتها. وختم المتحدث، أن المحكمة غادي دير داكشي اللي مناسب، ولكن حتى لدابا لم يتم اعتماد أي قرار من قبل المحكمة نفسها، مؤكدا على ضرورة إحترام هاد الإجراء القضائي اللي غادي، وهادشي علاش ما غاديش يعلق بشكل جوهري على ظاكشي اللي قالت المحامية العامة.
