البارح بالمعهد الملكي للشرطة بالقنيطرة كان الاحتفالات بالذكرى 61 لتأسيس المديرية العامة للامن الوطني. بحال كاع الاعياد كانت الاحتفالات. هاد الشي كيتعاود كل عام لكن اش من جديد فاحتفال هاد السنة؟ الضيوف تقريبا بحال بحال رجالات الدولة خاصة كل ما عندهم علاقة بالامن الداخلي والخارجي والوزراء المعنيين مباشرة بهاد الملف: الداخلية والعدل والمنتخبون. البارح اللي كان حاضر بزاف هي الصورة اللي خدامة عليها المديرية العامة للامن الوطني من نهار شدها عبد اللطيف الحموشي. امن صحيح بالمعني الحرفي للكلمة بالدارجة وجديد. كل ما قدم من احتفالات واستعراضات غادية فهاد الاتجاه. البوليس باش خاصو يدير خدمتو الاولى اللي دار ليها خاصو يكون تايق فراسو عزيز عليه التوني ومستعد. هاد الشي خاصو الحكامة خاصو "باي باي باك صاحبي" باختصار خاصو تخميلة فاعلة تاركة فدار المديرية العامة من ساسها لراسها. هاد الشي بدا من نهار جا الحموشي واللي شافو البارح ولا هناك ولا تلاقاه ولا شاف اش تقدم غادي يعرف باللي هاد الشي يالله بداية عصر الاصلاح تعطل بزاف فهاد القطاع الحيوي المهم جدا فخطاب المدير العام للامن الوطني اللي قراه مدير الاكاديمية البارح كان هاد الشي واضح. اثار "الأوراش والمشاريع المستقبلية، الرامية لتطوير منظومة الخدمات الأمنية، وجعل الأمن ركيزة للتنمية، ومحفزا للاستثمار، ومساهما في إرساء الأجواء الآمنة للتمتع بالحقوق والحريات". تحدث عن "إستراتيجية شاملة ومندمجة لتطوير البنيات الشرطية، وتجويد خدماتها، والرفع من جاهزيتها في جميع مستويات العمل الشرطي" وضعتها المديرية العامة هاد الاستراتيجية الامنية الجديدة عنونها وفق المدير العام "الإصلاح العميق والشامل للنظام الشرطي، من خلال انتهاج حكامة أمنية جيّدة، تراهن على تكيّيف عمل وحدات الشرطة مع الطلب العمومي في مجال الأمن، ومع التحديات الجديدة التي تفرضها التهديدات الإجرامية، ومع موجبات وضرورات حماية حقوق الإنسان". هاد الشي كولو اللي كيديرو الحموشي هدفه يحيدو ديك الصورة القديمة للمرفق الامني باش يلبس حلة جديدة. وعليه شمل "الصورة العامة للشرطي، سواء الذي يعمل في الشارع العام أو في مراكز الحدود أو في مختلف المرافق والوحدات الأمنية، وذلك باعتباره خط التماس الأول مع المواطن، وكذا الأجنبي السائح أو المقيم". دخل فيها اللباس ودخل فيها الشفافية والتخليق فاللي باغي يدخل للبوليس ودخل فيها طونوبيلات جداد ودخل فيها تصاميم مقرات الامن ودخل فيها "اعتماد ميثاق جديد للتوظيف والتكوين الشرطي، يرتكز أساسا على القطع مع جميع أعمال الغش في الامتحانات، وتدعيم آليات الشفافية والنزاهة في الاختبارات، والانفتاح على تخصصات وبروفايلات جديدة، فضلا عن تطوير مناهج التكوين والتدريب الأمني" ودخل فيها تحويل معهد الشرطة الى "مراكز أكاديمية للعلوم الأمنية". الحموشي عندو رهان اخر مهم هو اللي سماه "الأمن كمرفق عمومي، والأمن كحق دستوري، والأمن كداعم لحقوق الإنسان". مشاريع كثيرة باش يخرج هاد الجسد الكبير من مرضه اللي عاشو سنوات. صحتو غادية وتعافى. اللي حضر البارح للاستعراض او شاف التصاور غادي يبان ليه الفرق. كاينة المهنية كاينة الحرفية وكاين ورا هاد الشي كلو المدير العام للي كيموت على خدمتو وراسو قاصحة فكل ما عندو علاقة بامن الدولة بصورة هاد الجهاز على هاد القبال اللي غادي يحصل غادي يخلص بزاف. استعراضات البارح ديال البوليس بكل انواعه كانت كلها كتقول شكرا للحموشي اللي رجعتي لينا الروح والقيمة
