الوزير الاول ديال مالي اللي جا المغرب ماشي على التعاون وباش يتلاقى مع رئيس الحكومة حقاش عارفو ما صالح لوالو ما غادي يدير والو. المسؤول المالي جا كيبحث على الدعم فحرب بلادو على الارهاب حقاش المغرب لاعب كبير تماك من خلال امتلاكه للمعلومة ومعرفته الدقيقة بملف الارهاب. حقاش كيشكل اكبر تهديد لامن المغرب. طبعا تلاقى مع “لادجيد” اللي مكلفة بالملف وخدامة عليه. غير جا للمغرب المسؤول المالي اعلنت جماعة نصرة الاسلام والمسلمين الارهابية عن ندمير سد يالله كيتبنى حدا جيني وسط مالي. هاد السد مان من المقرر افتتاحو قريب وكلف اكثر من 35 مليار فرنك افريقي. وفق ما علمته “كود” فان شي 30 ارهابي هاجمو الموقع ودمروه. دمروه باش يقولو غير حنا اللي كاينين فهاد البلاد.
