تلميذ ميريكاني من ولاية جورجيا، عندو 16 عام، تغيب على حصة دراسية وقال بلي غادي يمشي يتلاقى الممثل "لين مانويل ميراندا" (Lin-Manuel Miranda)، ومن بعد باش الأستاذة ديالو اللي ماحضرش عندها ماتبقاش مقلقة منو، صور فيديو خاص مع الممثل الميريكاني. أم الطفل نشرات الفيديو بان فيه ولدها مع الممثل اللي دار اعتذار للأستاذة وأكد ليها أنه غادي يراجع معاه "قانون الحقوق"، وأن ساعتين ونص اللي دوزها معاه ماكانتش وقت ضايع حيت استافدو من بعضياتهم. الأستاذة فرحات بالفيديو وقالت أنها كانت فاللول كاعية على التلميذ ديالها، لكن ملي كان مع الممثل ماشي مشكل، وعرضات على هاد الأخير باش يجي يزورهم فالمدرسة.