انطلاق محاكمة المتابعين في قضية المتاجرة في الأطفال الرضع بالبيضاء

المتهمون نفوا المنسوب إليهم وقالوا إنهم كانوا يقومون بمساعدة الناس لوجه الله

لقطات مما دار في الجلسة
القاضي للمتهمة الرئيسية: أنت متهمة ببيع الأطفال الرضع.
الحاجة: لا أسيدي أنا ماكنبيعش البشر حاشا، أنا كنعاون البنات باش يولدو في سبيل الله.
القاضي: وعلاش كتخدي المقابل؟
الحاجة: والله أسيدي معمري خديت شي ريال.
القاضي: وهاديك الفلوس لي لقاو عندك البوليس؟
الحاجة: هادوك الفلوس تبرعات بيها الصحفية للبنت لي غاتولد ليها التربية.
القاضي: ولكن راك بنتي في التلفزة كتحسبي الفلوس؟
الحاجة: هادشي كولو دارتو هاديك الصحفية بغات تطلع الكرايض على ظهري أنا.
القاضي: وعلاش عطيتها شهادة الازدياد؟
الحاجة: غير مجاملة باش تطمئن.
القاضي: شحال هادي وانت كديري هادشي؟
الحاجة: 35 عام هادي وأنا كنخدم قابلة.
القاضي: عندك سوابق فالمتاجرة في الأطفال؟
الحاجة: سبق لي تشديت عام 1989 حيت وقفت مع واحد المرا وعاونتها باش تتبنى دري.
القاضي: كتولدي البنات عندك في الدار؟
الحاجة: كيجيو عندي البنات باش يولدو وكنعاونهم عن حسن نية.
القاضي: اشنو كتعملي بديك الأدوية والأدوات الطبية لي لقاو عندك؟
الحاجة: أنا أسيدي مريضة بالسكر والقلب وولدي حتى هو مريض.