أعضاء مشتاقين السيارات الجماعية بحال إلى سائقين طيارة

راه الشباب فايق وعايق بيكم يا أعضاء بلدية بني درار يا مشتاقين سيارات الجيم الحمراء
طل على المجلس البلدي لبني درار وتشوف الأعضاء كل واحد لاهي بسياقة سيارة الجماعة راك متلقاش حتى سيارة بالجماعة كل وحدة في مهمة هذا ينقل ولاداتو وهذا يتبندد بها وهذا يتمعش بها والرئيس شرا سيارة بصح ماعجبتوش ولكن راه يستن شي همزة معا غفلة ويشري شي سيارة فخمة ويخلي السيارة اللي راه يركبها لشي عضو آخر معندوش فاش أيهز رجليه وأوليداتو ويبيتها حتى هو باب الدار باش يلعبها على الجيران ويدوخ الاغبياء اللي غافلين أما الشباب فاق وعاق مين تفوتوا بسيارات الجماعة كيضحوا عليكم ويقلوا من فايدتكم ويعرفوكم بلي النخو على الخوا .
حطوا هذوك السيارات في الجماعة لمهمات المصالح والإدارة والشعب وخليوا غي فقصتكم بلا متزيدوا دعاوي الشعب .
وحشموا على عرضكم راه عار عليكم الواحد ميعرفش الليف من الزرواطة ويمشي يمضي وثائق الإدارة ، والله إلى عار وتبهديلة .
هذا عضو بلقب بالملسة ، واحد الطعام والآخر بركوكش وهذاك التشيشة وشواحدين الشنعا أساتذة يعطولهم الطباشير وزيد وزيد ، اتقول هذي فران ولا أرحى مشي جماعة
بلدية بني درار ولات بحال ملجأ العجزة غي اللي خرف مالقا ما يدير أيجيلها يتلف ما بقى من حياتو ويضيع أحلام الشعب
غي الرئيس يطبل وأنتم تشطحوا نوضوا جمعوا راسكم وخليوا المغاربة الغيورين يخدموا بلادهم .
عبير بني درار