طنجة تقلبت على بركان وربحاتها.. طنجاوة وأمالهم فالبقاء كبرات وشعلوها فمؤخرة الترتيب

شعل فريق إتحاد الطنجة الصراع على البقاء في القسم الوطني الأول من البطولة الإحترافية لكرة القدم، من بعدما ربح نهضة بركان اليوم الخميس فتيران طنجة الكبير.
وسالا الماتش بين إتحاد طنجة فريق نهضة بركان بنتيجة 2 لواحد لمصلحة الطنجاويين، وكانوا البركانيين هم اللي سجلوا هدف التقدم عن طريق الشرقي البحري في الدقيقة 8، ولكن الطنجاويين بقاو مقاتلين حتى جابوا التعادل بواسطة محسن الربجة بهدف في الدقيقة 71، قدروا يماركيو الرباح بهدف ثاني بواسطة يوسوفا كوناتي في الوقت بدل الضائع.
الرباح ديال إتحاد طنجة شعل الصراع في أسفل الترتيب وزاد قوى آمال الفريق للمنافسة على البقاء في القسم الوطني الأول، ورفع الفريق الرصيد ديالو إلى 20 نقطة وصبح في المركز 15 ، وقرب من الجديدة اللي عندها 22 نقطة، ومولودية وجدة اللي عندها 25 نقطة وشباب المحمدية مولات 26 نقطة، ورجعت أولمبيك خريبكة إلى المركز الأخير برصيد 18 نقطة حيث تعادلت واحد لواحد مع مولودية وجدة، مع العلم أن حتى شباب المحمدية تعادلت مع أولمبيك آسفي زيرو لزيرو.