قضية النصاب اللي دارها بعدد من الناس ففاس وكانت "كود" السباقة للكشف عن أسلوبه الإجرامي المعتمد في الإيقاع بعدد من الضحايا منتحلا صفة نائب وكيل الملك بالمدينة غادية وكتبكر وتقدر تطيح رؤوس معاه. المعلومات الجديدة التي حصلت عليها "كود" تفيد أن المتهم المحال على وكيل الملك لدى المحكمة الابتدائية بالمدينة عرض عشرات المواطنين لجريمة النصب والاحتيال باسم مسؤول قضائي بالنيابة العامة. وقالت المصادر أن المتهم "ع.ك" ينتظر أن يتم استنطاقه من طرف وكيل الملك قبل تسطير المتابعة في حقه وإحالته على غرفة الجنح التلبسية لمحاكمته طبقا القانون، مشيرة إلى عدد الشكايات المسجلة ضده تجاوزت 50 شكاية واللائحة مرشحة للارتفاع. هاد النصاب كانت قرقبات عليه الفرقة الجهوية للشرطة القضائية فحي سيدي بوجيدة الشعبي مع شي الجوج ديال الصباح من يوم السبت الماضي. السيد غرقها مزيان بعدما خدا فلوس لعدد من الضحايا مقابل التهجير إلى دول أوروبيا وقضاء والوسط لهم لدى عدد من الإدارات العمومية بالمدينة، من بينها مركز تسجيل السيارات. عملية توقيف المتهم الخمسيني بدات بعد شكاية تقدمت بها سيدة تعرضت للنصب والاحتيال من طرفه وقاليها غادي نهجر ليك ولدك للخارج، وتحديدا بدولة بلجيكا. هاد السيدة عطاتو اكثر من 3000 درهم وشقيقها حتى هو زادو نفس المبلغ، وحتى باها عطاه فلوس. الفرقة الجهوية للشرطة القضائية سماعت لهاد السيدة في محضر رسمي وتم الاستماع أيضا إلى ابنها وتدارت ليه مواجهة مع النصاب اللي تعرف عليه بالزربة، ومن تما بدات لخدمة عند البوليس وبداو الضحايا كيبانو. "كود" غادي ترجع بتفاصيل على هاد النصاب اللي كان كيقدر راسو نائب لوكيل الملك بالمدينة.
