شيرات عليه بميكروفون.. المغنية كاردي بي طلع ليها الدم مللي رشها واحد من الجمهور بشي مشروب

فيديو نتاشر فسوشل ميديا كيوثق الحظة لي رشو فيها شي مشروب على المغنية الميركانية كاردي بي، مللي كانت كتغني فالحفلة لي دارت نهار الاحد فمدينة لاس فيغاس، ولكن مطلعتش ساهلة فالبلاصة ردات الصرف ووشيرت عليه بالميكروفون اللي كانت كتغني بيه.
موقع "يورو نيوز" قال إن المغنية الميركانية كاردي ماشي أول مغنية دار ليها الجمهور هادشي، حتى مغنية البوب بيبي ريكسا كانو لاحو عليها تلفون فالوجه ديالها ملي كانت ديرا حفلة فنيويورك.
ولكن المغنية كاردي طلعات مريݣلا ومعطلاتش مول لفعلة، وديك ساعة ضرباتو بلميكروفون اللي كانت كتغني بيه، وناس بارطاجاو لفيديو فسوشل ميديا، وبانت فيه كاردي كدافع على راسها وطالع ليها دم.
Cardi B throws microphone at audience member who threw a drink at her. pic.twitter.com/alLgHMFshb
— Pop Base (@PopBase) July 30, 2023