رئاسة الحكومة طفات حرب الاستقلال والاحرار. اخنوش: مشروع أوطورت الما بين سبو والرباط مشروع الحكومة بمكوناتها 3 وكنفدو تعليمات سيدنا وما خاصوش يتسيس

رئاسة الحكومة طفات حرب سياسية حول من له الفضل في مشروع الرباط المائي بين سبو والرباط، هاد الحرب ناضت بين مكونات الأغلبية خصوصا الاستقلال والاحرار، ولكن بتدخل من مؤسسة رئاسة الحكومة حسمت الخلاف وأكدت بلي هاد المشروع ديال الحكومة كاملة بجميع مكوناتها.
ودفتصريح لرئيس الحكومة عزيز اخنوش بعد زيارتو لمشروع الربط بين وادي سبو و سد سيدي محمد بن عبدالله، قال باللي هاد المشروع ديال الما (التجهيز ) والفلاحة والميزانية والداخلية وهاد الشي ما خاصوش يتسيس وباللي هادي مبادرة ملكية ومشروع ملكي.
رئيس الحكومة فهاد الزيارة قدم التهنئة للفريق المغربي الذي سهر على تصميم و انجاز هذا العمل الكبير .
يشار بلي ناضت زوبعة سياسية بين الاحرار والاستقلال حول شكون لي عليه الفضل ديال انجاز هاد المشروع، الاحرار كيقولو حنا لي درناه وباشراف من وزارة الفلاحة، الاستقلال كيقول لا حنا لي درنا وبرافو لنزار بركة وزير التجهيز.