خريج الأكاديمية العسكرية الملكية لمدينة مكناس... ها شكون هو الجنرال بريس كلوتير أوليگي نگيما قائد الانقلاب ورئيس المجلس العسكري الجديد فالگابون

كشف موقع "جون افريك" على شكون هو برايس كلوتير اوليغوي نيغما اللي علنوه قادة الانقلاب اليوم 30 غشت زعيم ليهم.
وأضاف الموقع الفرنسي ان الجنرال بريس كلوتير أوليغي قرا ودار تدريب عسكري فالأكاديمية الملكية العسكرية بمدينة مكناس وتخرج منها ورجع لبلادو الغابون وانضم للدائرة المقربة من الرئيس عمر بونغو.
واشار ان بريس كلوتير أوليغوي نغويما ماشي غريب وماشي بعيد على الغابونيين حيث سنوات وهو فالسلطة وكان فبزاف ديال المناصب لا فعهد الرئيس السابق بونغو أونديمبا ولا ولدو.
واضاف أنه كانت ام الرئيس السابق كتجيه شي حاجة وكان قريب من عائلتهم وعندهم نفس الاصول.
وذكر أنه من بين قادة الانقلاب اللي كاينين كاين إيمي فيفيان، ولد الراحل أندريه أويني ورئيس أركان الحرس الجمهوري، اللي كانو كيعرفو بعضياتهم مدة طويلة، حيث الجنرال أندريه أويني عاونو باش يطلع كراد فالجيش وتدرب فالأكاديمية العسكرية الملكية فمكناس مستفيدا من رعاية الجنرال المؤثر وعلاقته العائلية برئيس الدولة.
اوليغوي كان قريب من الرئيس السابق عمر بونغو حتى مات فا 2009 فبرشلونة. ومن بعد ولاو عندو مشاكل مع عائلة الرئيس المتوفى، خصوصا مع الرئيس المستقبلي علي بونغو أونديمبا وهادشي علاش سيفطوه من ليبرفيل
ملحق عسكري من الغابون للمغرب للسنغال.
دوز اوليغوي عشر سنينن فالمنفى، ومارجع حتى 2019، تحت ضغط خاص من" برايس لاكروش أليهانجا", اللي كان كيعرفو منين كان صغير.
ومن مور عام على السكتة الدماغية ديال الرئيس، ولا بريس كلوتير أوليغي نغويما فبلاصة فريديريك بونغو، الأخ غير الشقيق للرئيس، اللي كان داير عداوة فوسط العائلة وخدا اولغي رئاسة المديرية العامة القوية للخدمات الخاصة (DGSS)، واستخبارات قيادة الحرس الجمهوري.
اولغي خدم مزيان وفورماطا الحرس الجمهوري وغير شعارهم ولا قسم الولاء للرئيس ماشي للوطن.
اولغي دار بلاصتو وطور فوج الحرس الجمهوري وكان كيحاول يخليه الفوج افضل فوج تجهيزا فالبلاد.
وختم الموقع بأن قادة الانقلاب كيأكدو أنهم كيضمنو مؤقتًا إدارة البلاد. و علي بونغو أونديمبا كيخضع للإقامة الجبرية و تم اعتقال عائلتو للتحقيق بتهمة "خيانة مؤسسات الدولة، واختلاس أموال دولية من قبل عصابة منظمة" أو حتى "الاتجار بالمخدرات وتزوير التوقيع".