صحيفة Mirror البريطانية نشرات تقرير قالت فيه إن خبير تقني من المملكة المتحدة كيقول بلي لقا البلاصة لي طاحت فيها البقايا ديال الطيارة الماليزية لي غبر ليها الأثر، ولي كانت غاديا من كوالالمبور لبكين. هاد الطيارة قلعات من العاصمة الماليزية نهار 8 مارس ف 2014 وكان راكب فيها 227 واحد و12 من أفراد الطاقم، ولكن غبر ليها الأثر فالوقيتة ديال عملية التسليم بين المراقبين ديال الحركة الجوية الماليزيين والفيتناميين مع إغلاق جهاز الإرسال والاستقبال. الخبير ويلسون كيأكد أنه شاف البقايا ديال الطيارة مشتين فالأعماق ديال غابة في كمبوديا من خلال خرائط ݣوݣل، والمحققون دارو كثر من جهدهم ملي غبرات الطيارة باش يعرفو شنو واقع، ولكن ملقاوش حل لهاد اللغز لي تلف ليهم المخ.