دراسة كتحذر من مخاطر السماطي ديال السمارت واتش على صحة بنادم

موقع مجلة "سينس أليرت" العلمية المتخصصة نشرات دراسة جديدة كتقول بللي السماطي ديال السمارت واتش خصوصا المطاطية والبلاستيكية، لقاوها كتكون شبعانة بكتيريا ضارة، وهادشي خطار على الصحة ديال بنادم.
وعالمة الأحياء من جامعة فلوريدا أتلانتيك، نواديوتو إيسيوبو قالت أن هاد سماطي كيشكلو بيئة ملائمة باش كيتكاترو هاد البكتيريا، حيت الأسطح المسامية والثابتة كتخلي البكتيريا يعجبها الحال وتبقا ديما ساكنة تما.
هاد البكتيريا لي داير عليها الفيلم فهاد الدراسة هيا نفسها لي كتكون فالجسم وفالبيئة، وكدير بزاف ديال الأمراض بحال الخرّاجات والالتهاب الرئوي والسالمونيلا، داكشي علاش إيسيوبو قالت بللي ضروري هاد السماطي خاص نقيوهم كل مرا.