واش غادي يتلاقى دي ميستورا ناصر بوريطة فالرباط ؟

Elouali.zaz.1987@gmail.com
المبعوث الشخصي للأمين العام للأمم المتحدة لنزاع الصحراء، ستافان دي ميستورا، غادر مدينة الداخلة مساء البارح الخميس، في اتجاه العاصمة الرباط لي مزال فيها إلى حدود منتصف نهار اليوم الجمعة.
توقُّف المبعوث الشخصي، ستافان دي ميستورا، ممكن يكون عندو علاقة بلقاء مرتقب مع وزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، وهاد اللقاء ضروري خاصو يكون، خاصة وأنه فاش جا للرباط كان تكتم بزاف وما خرجاتش حتى شي حاجة على واش تلاقى ناصر بوريطة أو لا.
زيارة دي ميستورا للرباط فاش وصل نهار الأحد للي فات، تزامنت مع أجندة عامرة لوزير الخارجية ناصر بوريطة، بحيث نهار الاثنين استقبل عدد من السفراء وعطاوه أوراق اعتمادهم وتلاقى وزير خارجية سييراليون، وبعد ذلك، وفنفس النهار طار للقاهرة باش يترأس مجلس وزراء خارجية الدول الأعضاء في جامعة الدول العربية.
هاد اللقاءات والسفرية الرسمية لي دار ممكن ومنطقي أنها تكون حالت دون أن يلتقي المبعوث الشخصي للأمين العام للأمم المتحدة، وبالتالي فإن لقاء ستافان دي ميستورا مع ناصر بوريطة ممكن يكون فغضون هاد 48 ساعة، وضروري يكون فحالة ما دازش اللقاء بيناتهم وخلاوه سوكري.