واش الاحتياط طلع له فراسو؟ عز الدين أوناحي باغي يمشي من مارسليا

الدولي المغربي عز الدين أوناحي وللا باغي يمشي من أولمبيك مارسليا الفرنسي، وهذا الشي حسب ما كشفت عليه تقارير إعلامية فرنسية.
وكشف "La Minute OM" المقرب من أولمبيك مارسليا، أن عز الدين أوناحي قرر يمشي من فريق جنوب فرنسا خلال الميركاتو الشتوي المقبل، وما بقاش باغي يزيد يكمل مع مارسليا مازال.
نفس المصدر وضح، أن عز الدين أوناحي كان باغي يمشي فالميركاتو الصيفي ولكن الحاجة اللي خلاتو يبقى هو ما جاهش شي عرض مزيان، وأنه دابا ما بقاش متردد قرر يمشي من أولمبيك مارسيليا، وأن الأخير هو اللي خاسر.
للإشارة، فعز الدين أوناحي ما كيدخلش يلعب مع أولمبيك مارسليا، ومن الدورة الأولى فالبطولة الفرنسية ما لعب مع الفريق، واليوم ضد تولوز فالدورة 5 بقى كالس فالاحتياط.