قرعة عصبة الأبطال: الوداد فالنيفو الأول فإفريقيا ومرشح أول من أي كروب طاح فيه

غيتجنب الوداد الرياضي فدور مجموعات عصبة أبطال أفريقيا، مواجهة بطل المسابقة الأهلي المصري وفرق ماميلودي صن داونز الجنوب إفريقي والترجي التونسي، هما كاملين معه فالمستوى الأولى فالتصنيف اللي كيسبق قرعة المسابقة، واللي غتسحب الجمعة الجاية فجنوب إفريقيا.
ومن بين الفرق اللي عندها سميتها فإفريقيا ويقدر يلعب ضدها الوداد الرياضي فدور المجموعات، كاين كل من بيترو أتلتيكو الأنكولي، بيراميدز المصري، شباب بلوزداد الجزائري، تي بي مازيمبي الكونكولي، وهادو فرق تعودو مؤخرا، على المسابقات الأفريقية سوا فعصبة الأبطال أو كأس الكاف، والوصل إلى الأدوار النهائية فيها بالإضافة إلى نجم الساحل التونسي اللي باغيين يرجعو بعد غياب.
وكاين فالمستوى الثاني شباب بلوزداد الجزائري، بيترو اتليتيكو الأنكولي، سيمبا التنزاني، بيراميدز المصري، والمستوى الثالث فيه كل من تي بي مازيمبي الكونغولي، الهلال السوداني، أفريكان يونك التنزاني، أسيك ميموزا الإيفواري، والمستوى الرابع فيه نجم الساحل التونسي، كلاكسي الجنوب أفريقي، نواذيبو الموريتاني، ميدياما الغاني، وهدو كاملين يقدرو يطيحو مع الوداد فدور المجموعات، وكيبقى الفريق الأحمر مرشح للتأهل إلى الربع من أي مجموعة جا فيها.