بايرن ميونخ: ملي غيرجع مزراوي من المنتخب المغربي غنتفاهمو معه وعلى شنو نشر وكيهمونا صحابنا فإسرائيل ودنا الهجوم الارهابي عليها

كيتسناو بايرن ميونخ الالماني يرجع الدولي المغربي نصير مزراوي لعندو، ملي يسالي المعسكر ديالو مع المنتخب المغربي، باش يدويو معه فالقضية اللي خلقات البوز فالعالم دابا، بعدما علن المساندة ديالو لفلسطين فالصراع مع اسرائيل وهذا الشي ما تقبلوهش الألمانيين.
وخرج بايرن ميونخ الالماني فبلاغ له وقال: "بايرن تواصل على الفور مع نصير مزراوي بعد منشور له على أنستغرام يوم الأحد، اللاعب كتين دابا فلافريك مع المنتخب المغربي، ماي يرجع، غتكون جلسة شخصية مفصلة مع إدارة النادي فميونخ".
وأكد بايرن ميونخ: "كلشي، من موظفين ولاعبين عارفين القيم ديال بايرن ميونخ، وهذا الشي بيناه بشكل علني مباشرة بعد الهجوم الإرهابي على إسرائيل، كيهمونا صحابنا فإسرائيل وواقفين معهم، وفنفس الوقت بغينا التعايش السلمي يعم على الجميع في الشرق الأوسط".