سالا المنتخب الوطني المغربي الاستعدادات ديالو لمواجهة منتخب تنزانيا اليوم الثلاثاء فدار السلام، ضمن الجولة الثانية من إقصائيات كأس العالم 2026. المنتخب الوطني المغربي دار البارح الاثنين فالليل حصة تدريبة أخيرة قبل ماتش تنزانيا، وكانت فتيران بنجامين مكابا بالعاصمة التنزانية دار السلام، وهو التيران اللي غيتلعب فيه الماتش بين المنتخبين. الحصة التدريبة دازت فأجواء حماسية وتركيز كبير من اللاعبين، اللي خدم معهم الناخب الوطني وليد الركراكي هو الطاقم التقني ديالو على آخر الروتوشات باش يكونو واجدين بشكل كامل للماتش. وبخصوص الأجواء داخل المنتخب الوطني المغربي اللي كتسبق ماتش تنزاتيا بساعات، قال الدولي المغربي بينجامين بوشواري فتصريح للموقع الرسمي للجامعة الملكية المغربية لكرة القدم، فتصريح خلال الحصة التدريبية: "حنا واجدين للماتش ضد تنزانيا ولفنا على الجو والناس هنا والأجواء داخل ليكيب ناسيونال زوينة بزاف، وباغيين نديرو جهدنا كامل باش نربحو تنزانيا".