الركراكي: ماتش المغرب وتنزانيا فكوب دافريك مختلف على إقصائيات المونديال وغندخلو نربحوهم

اعتبر الناخب الوطني وليد الركراكي أن ماتش المنتخب المغربي غدا الاربعاء ضد تنازانيا مختلف على ماتش المنتخبين فإصائيات المونديال، وأكد بلي المنتخب المغربي واجد وغيدخل باش يربح.
وتحدث الناخب الوطني وليد الركراكي، خلال الندوة اللي كتسبق ماتش المغرب وتنازنيا فأول جولة من دور مجموعات كوب دافريك، وقال: "كيف شفتو ما كاين حتى ماتش ساهل وكاينين بزاف المفاجأة، الماتش الأول مهم بزاف باش ندخلو فالبطولة وغنديرو بحال كيفما كنديرو فأي بطولة غندخلو نربحو 3 بوان ونبداو مزيان المسابقة وناخدو الثقة من الاول".
وكمل الركراكي وقال: "ماتش تنزانيا فكوب دافريك مختلف على الماتش ديالنا معهم فإقصائيات كاس العالم، هادي منافسة جديدة وتحدي آخر بالنسبة لهم متحمسين له وبالنسبة لنا راه حتى حنا واجدين و15 يوم وحنا كنستعدو.