الركراكي: كأس إفريقيا صعب من كوب ديموند والمغرب ديما مرشح يربحها وما خاصنا نحكرو حتى منتخب

كيعتبر وليد الركراكي مدرب المنتخب الوطني المغربي بلي كوب دافريك صعيب ويقدر يكون صعب من كوب ديموند، وأن ليكيب ناسيونال مرشحين باش يربحوه عام 2024، ولكن ما خاصهم يحكرو حتى شي منتخب غيلعبو معه.
وتحدث وليد الركراكي فالندوة الصحافية اللي كتسبق الماتش أميكال ديال المنتخب المغربي ضد الرأس الأخضر وقال: "المنتخب المغربي ديما مرشح باش يربح كوب دافريك، وخصوصا دابا من بعد إنجاز كأس العالم 2022، وراه واخا عندنا غير كأس واحد ديناه عام 1976، كنبقاو مرشحين عكس مونديال قطر اللي حتى حد ما كان مرشحنا نديرو اللي درناه فيه، وجميع البلدان الأفريقية كيحلمو يحققو بحال الإنجاز ديالنا".
وكمل وليد الركراكي: "التجربة ديالي فكوب دافريك كلاعب ومدرب كتخليني نقول أن كأس إفريقيا صعب من كأس العالم، وحنا خاصنا نحتارمو كلشي المنتخبات ونحافظو على التركيز ديالنا باش نديرو نتائج مزيانة، حنا كنبقاو مرشحين مع المنتخبات الثمانية للفوز بكاس إفريقيا 2024 وخصنا نأكدو هذا الشي".