اعادة تقديم إمبراطور بوزنيقة كريمين و البدراوي مول شركة الزبل قدام الوكيل العام بعد انتهاء فترة تمديد الحراسة النظرية

الفرقة الوطنية ديال البوليس بكازا غادي تحيل اليوم الخميس على انظار الوكيل العام بمحكمة الاستئناف ديال كومناف إمبراطور بوزنيقة كريمين و البدراوي رئيس شركة ديال الزبل ولي معاه ،وذلك بعدما انتهت فترة الحراسة النظرية وفترة التمديد وإخضاع المتهمين لمجريات البحث التمهيدي ومواجهتهم بالشكاية لي حطّوها اعضاء الجماعة ديال بوزنيقة عند الوكيل العام بخصوص الاختلالات المالية والإدارية .
وكان الوكيل العام ديال محكمة الاستئناف ديال كازا قرر ليلة الثلاثاء المنصرم تمديدة فترة الحراسة النظرية على إمبراطور بوزنيقة كريمين و رئيس شركةديال الزبل البدراوي،وآخري وارجاع المسطرة الى الفرقة الوطنية ديال البوليس من اجل تعميق البحث معهم بخصوص مجموعة من النقط ولي بانت النيابة العامة المشرفة عن التقديم انها خاص التحقيق فيهم من طرف ضابط الشرطة القضائية .
يعود سبب توقيف رئيس شركة "أوزون" للنظافة، عبد العزيز البدراوي، ومحمد كريمين، الرئيس السابق لجماعة بوزنيقة، والمهندس بالجماعة مصطفى الطنجي إلى الشكاية التي وجهها 3 مستشارون بجماعة بوزنيقة في 2022، إلى الوكيل العام للملك بمحكمة الاستئناف بكازا والتي كشفت عن تلاعبات مالية جسيمة في ملفات عقود التدبير المفوض لقطاع النظافة، واختلاسات مالية، واستغلال النفوذ، وتضارب المصالح ورصدت مجموعة من المخالفات وتجاوزات تخص عقد التدبير المفوض مع شركة "أوزون" التي يترأسها البدراوي، خلال الفترتين، الأولى من 2010 إلى 2017، والفترة الثانية خلال سنة.