بايرن ميونخ طامعين فزين الدين زيدان: دواو معه وباغيين يرجعوه للتدريب

طامعين بايرن ميونخ الألماني فأسطورة الكورة الفرنسي زين الدين زيدان والنجم السابق لريال مدريد الإسباني اللي نجح معه كلاعب ومدرب، باش يدربهم ابتداء من الموسم الجاي، مع العلم أنه رفض بزاف ديال العروض ملي تفارق مع ريال مدريد عام 2021، حيث كيتسنا يشد منتخب فرنسا.
وكشفت جريدة "ماركا" الإسبانية، أن بايرن ميونخ الألماني تواصلو مع وكيل الفرنسي زين الدين زيدان، باش يشوفو معه واش ممكن يرجع يدرب، وقالو له إنهم مهتمين به باش يسنيو معه يدربهم ابتداء من الموسم الجاي، بعدما خرجو ب0 لقب فهاد الموسم مع الألماني توماس توخيل.
وكيجي هذا المستجد بعدما اقتنعو بايرن ميونخ بأن الإسباني تشابي ألونسو قرر يبقى مع الفريق الألماني الاخر باير ليفركوزن اللي ربح معه البارح البوندزليگا، حيث كانو باغيين يديروه بلاصة الألماني توماس توخيل اللي غيتفارقو معه ملي يسالي هذا الموسم.