‎الناشط الجمعوي والجمهوري عبد الله زعزاع في دردشة صريحة ل "كود": لا اصوم اليوم بقناعة وأول يوم صمته ترك ذكريات لا تنسى في حياتي مع الميناء وحديقة الحيوانات

كود: أش نا هي ذكرياتك مع رمضان أول مرة صمتي والهدية اللي خديتي؟
أول يوم صمته في حياتي من أقدم ذكريات التي لازلت أتذكرها، كان عمري أربع سنوات ونصف. أتذكر أنني لم أدخل المدرسة بعد، أو شويه في 12 أي منتصف النهار دخل الدار بابا هو خويا الكبير سول عليا واش كليت قلوا ليه الدار لا، وهو يهزني فوق البيكالة ديالو كنا ساكنين فالصخور السوداء حينها.
المهم زرت حديقة الحيوانات شفت السبع أو من بعد داني للميناء، وأتذكر طائر عوة والرافعات.
كود: واش سبق ليكك ترمضنتي على شي واحد خلال شهر الصيام؟
لا. هذه الصيغة معنديش.

كود: فاش كدوز الوقت باش تجيب الفطور، وبعد وجبة الإفطار آش كادير؟
أنا ما كنصومش أنا مني بديت كا نكبر صمت لإثبات الذات، ولكن مني بلغت سن 25 سنة ما بقيتش كنصوم أنا عندي قناعة، ولكن من ناحية أخرى إلى بغيت نبررها فذلك لأسباب صحية، الإضرابات عن الطعام التي أضرت بالمعدة كثيرا ولكن المرض ماشي هو الأساسي، وللإشارة هنا بمنسابة هذا الحديث أنا كنت معجب ودعمت شباب وشابات حركة مالي، حيث تكلموا على الظاهر بدون نفاق. أنا أسعى دائما لتوسيع هامش الحرية، ودائما كنخلي الشك عند الواحد في موضوع صيامي، العائلة ديالي ما عدهم حتى مشكل، أو إلى جمعني العمل مع أناس عشرة طويلة معاهم كنكون واضح.
كود: إذن اليوم ديالك كتعيشو عادي في رمضان؟
ما يمكنش يكون عادي كتعود غير كتسلك الأوقات كتقلب، أو حتى أو نتا في الدار ديالك.
كود: شناهوما الشهيوات لي كتبغيهم يكونوا حاضرين في مائدة الإفطار؟
لا. كون أكيد داكشي ديال الماكلة معنديش فيه الشهيوات كلشي عادي.