الباحث الناجي عن زيارة الهمة لبنكيران وبيانو: زيارة واحد من اهم الشخصيات فالدولة لبنكيران بحد ذاتها حدث مهم وكيبين مخاوف القصر من المستقبل وقيمة رئيس الحكومة السابق

بتدوينة عنونها ب"الكلمات والتصرفات" شرح الباحث الانتربولوجي محمد الناجي بيان فؤاد عالي الهمة مستشار الملك بخصوص زيارته الى بيت رئيس الحكومة السابق عبد الاله بنكيران. الناجي كتب ان هذه الزيارة تثير اهتماما كبيرا لكل مراقب حذق.
واعتبر ان مضمون بيان الهمة للزيارة =كونها شخصية ،وووو= المنشور ماشي مهم "راه غير بيان وصافي" وان الاهم هو "الزيارة اللي وقعات" واللي تستحق الوقوف عليها حقاش ماداراهاش اي شخص
الناجي كتب شارحا ان زيارة شخصية مهمة فالمغرب لبنكيران راه "حدث مهم" فحد ذاتو. واضاف انه حتى اثناء تشكيل الحكومة الهمة ما ترسلش لبنكيران. حينها اضاف الباحث القصر ما عندو ما يقول ليه او بينو ليه باللي رحيلو قريب.
ويستطرد الباحث٬ لكن زيارة فهاد الوقت عندها معاني. فعلاقتها بالحكومة المشكلة وما تعيشه من مشاكل ثم علاقتها باحداث الريف ولان السلطة "في اعلى مستوياتها" ما باغياش تبقى معزولة.
محمد الناجي اشار في تدوينته الى الحاح بنكيران خلال استقباله لوالدي الزفزافي الى المكانة المركزية للملك.
ماشي غير هاد الشي اللي كتب بل اضاف الباحث "واخا ما يكونش بنكيران والهمة تبادلو حتى كلمة باش تلاقاو راها زيارة عندها معاني كثيرة". كتقول "ما بغيناش بنكيران يبقى بعيد" كتقول كذلك ان القصر عندو مخاوف من المستقبل.
واعاد التاكيد ان زيارة واحد من اهم الشخصيات في المملكة لبنكيران ما يمكنش يكون حدث عادي بحال الاحداث الاخرى او تصرف عادي بحال باقي التصرفات.
واكد الناجي في الاخير ان هذه الزيارة ماشي ديال الصواب والادب فقط٬ لان المخزن باش كيعزل كيغضب كيديرها بالمرة. كيقطع حتى التلفون وكاين امثلة كثيرة