سفارة المغرب فالكوت ديفوار: ما كاين لا طرد لمغاربة الكوت ديفوار لا والو وها اللي وقع

قال بيان لسفارة المغرب في الكوت ديفوار ان ما قيل عن نية الحكومة الايفوارية طرد المغاربة المقيمين بهذا البلد غير "كذوب" واوضح البيان "من مدة كدور خبارات غير صحيحة حول احتمال او نية للسلطات الايفوارية الاعداد طرد المغاربة المقيمين هنا. خبارات ماشي دقيقة وما عندها اساس وكيتحمل المسؤولية ديالها غير اللي كيسوقها".
بيان السفارة المغربية في الكوت ديفوار اوضح ان القضية وما فيها ان لمغاربة اللي فهاد الدولة وعددهم 5 الاف شخص خاصهم يخلصو 300 الف فرنك افريقي شي 5 الاف درهم منذ شهر غشت 2017 بحالهم بحال جميع الجنسيات من غير مواطني دول "السيدياو" =المجموعة الاقتصادية لدول افريقيا الغربية" واضاف انه لحد الان مازال ما طبقوش القانون
السفارة طمأنت المغاربة وقالت انها منذ اسابيع خدامة على الملف لايجاد حل. وفق مصدر ل"كود" فان من بين هذه الحلول امكانية تقسيم هاد المبلغ على من لا يستطيع ان يؤدي المبلغ كاملا.
السفارة ذكرت بالعلاقات القوية المغربية الايفوارية وان هاد العلاقات الاخوية كافية باش يلقاو حلول لكل المشاكل
وكان شخص قدمه نفسه على انه رئيس مجلس الجالية بالكوت ديفوار واسمه وازني شهدي قد اكد وفق "الصباح"٬ ان عددا من الاسر المغربية مهددة بالترحيل بسبب فرض غرامات على مغاربة الكوت ديفوار وذكر ان العائلات الفقيرة على قائمة هاد المهددين بالترحيل واكد ان مساعي الخارجية المغربية لايجاد حل لهذا المشكل باءت بالفشل