واش قبيلة ماء العينين دخلات فقضية بنتهم ءمنة. كبيرهم الشيخ لاراباس ل”كود”: بيان شي تنسيقية ما عندو علاقة بينا وحنا كندخلو غير فمواضيع التضامن والتآخي

“گود” سولات شيخ القبيلة ” الشيخ لارباس ماء العينين” عن البيان لي صدراتو قبيلة ماء العينين فتيزنيت وعن موضوع أمينة لي داير ضجة فالإعلام وفمواقع التواصل الإجتماعي، وقال بلي هاذ شي
قال شيخ القبيلة الشيخ لاراباس ماء العينين في تصريح ل”كود” انه معني باي بيان كتخرجو شي جهة باسم قبيلة ماء العينين بتيزنيت. لاراس قال ل”كود” “”مايعنيني لا من قريب ولا من بعيد وبلي هادشي صراعات سياسية ماعندي بيها سوق”، مضيفا ل”كود” أن مثل هذه الأشياء لا يتدخل فيها، وبلي كيدخل غير فالمواضيع لي كتدعو للتضامن والتآخي والمحبة الصادقة، هذا شي حسب تعبير الشيخ لارباس بطبيعة الحال”.
هاد الرد جا على بيان شي وحدين سماو ريوسهم “تنسيقية قبيلة ماء العينين” بتيزنيت ودخلو كرموصتهم فقضية برلمانية العدالة والتنمية آمنة ماء العينين اللي متعلقة بصور ديالها فباريس تنفي صحتهم
هاد التنسيقية اللي ما فراسش لاراباس يمكن حتى بوجودها هدرات على تبرؤ لقبيلة كاع. ودابا ها الشيخ الاكبر فيها ما عندو علم
البيان ذكر بأن القبيلة تستنكر أي محاولة تضامن تقوم بها أي جهة سياسية باسم آل ماء العينين، خدمة لمصالح سماها البيان “مصالح حزبية ضيقة”، وبأن القبيلة تتبرأ من هذه التحركات لي قد تصدر عن بعض المحسوبين على القبيلة.