فاس: اعتقال نائب رئيس غرفة التجارة والصناعة بتهمة الاغتصاب

omarelmouzaine@gmail.com
علمت “كود”، من مصادر مطلعة، أن الوكيل العام لدى محكمة الاستئناف بمدينة فاس، قرر أمس الأحد، متابعة أحد نواب رئيس غرفة التجارة والصناعة والخدمات بجهة خنيفرة بني ملال، في حالة سراح مؤقت، مع إغلاق الحدود في وجه، على خلفية اتهامه بهتك عرض فتاة وتعنيفها.
ووفق ما كشفت عنه مصادر “كود”، فإن هاد المتهم كان محط شكاية تقدمات بيها شي بنت كتتهمو فيها بتعنيفها، قبل تعريضها لهتك العرض، حيث أمرت النيابة العامة لاحقا الفرقة الجهوية ديال “لابيجي” بفاس بوضعه تحت الحراسة النظرية، حيث قدم أمامه أمس الأحد.
دبا الوكيل العام بغا يتأكد ويعرف الحقيقة ديال هاد الشكاية حقاش هاد المتهم كينفي، وكاين غموض كبير فهاد الملف، سيما أن هاد السيد يترأس هيئة وطنية ديال الدفاع وحماية المال العام. يعني تقدر القضية تكون فيها تصفية حسابات وصافي. المهم نشوفو فين غادي تسالي هاد البيعة وشرية.