خاليلوزيتش ظلم الإدريسي وماعقلش على حمد الله والعربي

خلفات لائحة ديال وحيد خاليلوزيتش الكثير من المفاج0ت، ما شي منين تحيدو منها بعض الأسماء المعروفة فقط، ولكن عرفت إقصاء لاعبين بشكل تعسفي وفيه الكثير من الظلم، بحال مثلا أسامة الإدريسي، لي فضل المنتخب المغربي، على هولندا واخا تلقى إغراءات كبيرة.
هاد اللاعب ماشي حيت فضل المغرب خاصو يكون أوتيماتيكيا، بالعكس هو حاليا أحد أفضل المهاجمين في هولندا وكل سيمانا كيمركي، ما شي بحال شي وحدين عندهوم مشكل مع الشبكة ومع ذلك كاينين في لاليست، هادشي ما شي معقول، وفيه حيف في حق هاد اللاعب.
خاليلوزيتش أقصى حتى زهير فضال لي كيلعب مع بتيس ولاعابة أخرين.
اما إبعاد عبد الرزاق حمد الله ويوسف العربي، فمعقلش عليهم المدرب وحيد، واخا الأول رجع الهداف التاريخي مع النصر السعودي والثاني فيما مشا كيمركي البيوتا بالزايد، آخرها كان وراء تأهل الفريق ديالو أولمبياكوس إلى دور المجموعات لدوري أبطال أوربا بعدما سجل هدفين.