الدكتور التازي كيدير الخير ويعلّم عليه و”مول الشكارة” باغي يبان بطل صحة باش يطلع المصروف

الخير فهاد الوقت مابقاش بين الناس حسي مسي ولكن ولى بالطار والكاميرات واللايفات وصورني نصورك.
البارح الدكتور التازي لي عندو الكابيني في كازا جمع 3 حالات ديال دراري تعرضو لاعتداءات بشعة وكانو ضحايا ديال عمليات سرقة سالات بالضرب والجرح، والتاجؤو للاعلام طلبا لمساعدتو، وحيت الدكتور ماشي من العاگزين وعزيز عليه يدير البوز قبل.
المساعدة مزيانة وهو تعرف بالخير لي كيدير مع حالات كثيرة لي مكيكونش في الاستطاعة ديالهم يخلصو عمليات التجميل، غير هو عوتاني صعيب فهاد الحالات نفرقو بين طيبوبة الطبيب وحاجتو للشهرة، وضروري مانتسألو واش هادشي كيديرو فعلا غير خير ولا عملية تسويق من طراز الرفيع كدخل عليه فلوس صحيحة من بعد.
والبلان لي ناقص وبزاف فهادشي ديال البارح هو أن محمد بنيس لي معروف ب”مول الشكارة” بدا كيتجبد على الصحافيين ويعطي فالأوامر، وكيقول للناس بينوني فاللايفات وشدوني فالكادرات.. باغي الصفحة ديالو لي كيقدم فيها الحالات الانسانية تطلع ويدخل المصروف.