گاليك الكفاءات فالحكومة الجديدة فيها 75 المائة وجوه قديمة. لا هادوك لقدام كلهم كفاءة ولا الجداد فيدهم. علاش كتضحكو على لمغاربة

كذبة الكفاءات. كذبة ان الحكومة المعدلة لهاد بنعرفة غادية تكون جديدة. ماشي جديدة. قليلة العدد اه. الجدة ما كايناش. من اصل 24 وزير =رئيس الحكومة و23 وزير٬ 18 واحد فيهم كانو فالحكومة السابقة. اي 75 بالمائة. هادي كافية باش تدحض كذبة الكفاءة.
من هادو 18 كانو فالحكومة السابقة وهم العثماني رئيس الحكومة بالطبع ومصطفى الرميد وزير الدولة المكلف بحقوق الانسان والعلاقات مع المجتمع المدني ولفتيت وزير الداخلية وناصر بوريطة وزير الخارجية ومحمد بنعبد القادر وزير العدل اللي كان غير وزير منتدب فالوظيفة العمومية واحمد التوفيق وزير الاوقاف ومحمد الحجوي الامين العام للحكومة ومحمد بنشعبون وزير المالية والاقتصاد واصلاح الادارة وعزيز اخنوش وزير الفلاحة والصيد البحري والتنمية القروية والمياه والغابات ومولاي حفيظ العلمي وزير الصناعة والتجارة وعزيز الرباح وزير الطاقة والمعادن عبد القادر عمارة وزير التجهيز والنقل واللوجيستيك وعبد اللطيف لودي الوزير المنتدب لدى رئيس الحكومة المكلف بادار ةالدفاع الوطني ونور الدين بوطيب الوزير المنتدب في الداخلية ومحمد الجزولي الوزير المنتدب المكلف بالتعاون الافريقي وجميلة مصلي وزير التضامن والتنمية الاجتماعية والمساواة والاسرة ونزهة الوافي الوزيرة المنتدبة المكلفة بالمغاربة المقيمين بالخارج.
علاش ما كايناش الكفاءة حقاش وسط هاد 18 واحد اللي بقاو من الحكومة اللي فاتت كاين اللي زادوه او غيرو ليه المنصب. بحال بنعبد القادر وجميلة المصلي ونزهة الوافي ومصطفى الرميد. اي 4 الوزراء.
فهاد اللائحة كاينين بزاف ما فيدهم نبداو غير جميلة مصلي ونزهة الوافي. وتگول ضعافات حتى بالنسبة لناس البي جي دي. بنعبد القادر ما فيدوش، دار فضيحة فالساعة باش كان وزير الوظيفة العمومية. كيفاش يحيدو جن بحال بنعتيق ويجيبو واحد ضعيف بحال بنعبد القادر ويعطيوه وزارة العدل ثم واش بعقلكم عبد القادر عمارة كفاءة. وحشومة كاع يبقى وياخد وزارة مهمة بحال النقل والتجهيز. شفتو كذبة الكفاءة
اما الجداد فهم خالد ايت الطالب وزير الصحة ونرهة بوشارب وزيرة اعداد التراب الوطني والتعمير والاسكان وسياسة المدينة ونادية فتاح العلوي وزيرة السياحة والصناعة التقليدية والنقل ومحمد امكراز وزير الشغل والادماج المهني وادريس اوعويشة الوزير المنتدب لدى وزير التعليم المكلف بالتعليم العالي والبحث العلمي والحسين عبابة وزير الثقافة والشباب والرياضة الناطق الرسمي باسم الحكومة.
هنا شكون اللي فيدو. من غير نادية فتاح العلوي اللي جاية من التأمين واللي خدمات بزاف مع مولاي حفيظ العلمي ف”ساهام” واللي كلشي كيقول عليها طيارة بالاضافة الى وزير الصحة خالد ايت الطالب اللي طبيب عارف مزيان القطاع وعندو خبرة عالمية وتكلف بالمستشفيات الجامعية بحال فاس اللي كان كيسيرها الباقي غير تخربيق. واش بعقلكم امكراز ديال شبيبة البي جي دي وزير للشغل. محامي عطاوه وزارة الشغل. ماشي شوهة. كاينة بوشارب ديال الحركة الشعبية عطاوها السكنى والتعمير. ضعيفة بزاف اش لاحها لهاد القطاع الحيوي وكاين الحسين عبابة ديال الاتحاد الدستوري. استاذ جامعي يتكلف بالثقافة والرياضة والشباب. حرام عليكم راه ما فيدوش.
اما ادريس عويشة فجاي من جامعة الاخوين وهو خريج الجامعة الامريكية وكان استاذ للادب الانجليزي فجامعة مولاي اسماعيل بمكناس. واش فيدو. دابا نشوفو
راه النهار اللول قلنا راه بنعرفة ضعيف ما فيدوش ما يمكنش يجيب الكفاءة. وها النتيجة
سعد الدين العثماني رئيس الحكومة.
مصطفى الرميد وزيراً للدولة مكلفا بحقوق الإنسان والمجتمع المدني والعلاقات مع البرلمان.
عبد الوافي لفتيت وزيرا للداخلية.
أحمد التوفيق وزيرا للأوقاف والشؤون الإسلامية.
ناصر بوريطة وزيرا للشؤون الخارجية والتعاون الدولي،
محمد بن عبد القادر وزيراً للعدل.
محمد الحجوي أمينا عاماً للحكومة.
محمد بن شعبون وزيرا للاقتصاد والمالية.
عزيز أخنوش وزيرا للفلاحة والصيد البحري،
سعيد أمزازي وزيرا للتربية الوطنية والتكوين المهني والتعليم العالي والبحث العلمي.
خالد آيت الطالب وزيرا للصحة،
مولاي حفيظ العلمي وزيرا للصناعة والاستثمار والتجارة والاقتصاد الرقمي,
نزهة بوشارب وزيرة للسكنى والتعمير،
نادية فتاح العلوي وزيرة للسياحة،
عزيز الرباح وزير الطاقة والمعادن،
محمد أمكراز وزيرا للشغل والإدماج المهني،
الحسن عبيابة وزير الشباب والرياضة والثقافة الناطق الرسمي باسم الحكومة،
جميلة مصلي وزيرة الأسرة والتضامن والمرأة
عبد اللطيف لوديي وزير منتدب في الدفاع الوطني،
نور الدين بوطيب وزير منتدب في الداخلية،
محسن الجازولي وزير منتدب في الخارجية،
نزهة الوافي وزير منتدبة لدى وزير الخارجية مكلفة بالمغاربة المقيمين بالخارج وشؤون الهجرة،
إدريس أوعويشة وزيرا منتدبا في التعليم العالي