حيت مابغاتش تعطيه الفلوس.. شومور دار راسو غيبوس مراتو بوش آبوش وقطعلها لسانها

البوليس في الهند دايرين اليدين والرجلين باش يشدو راجل قطع لمراتو لسانها بعدما تخاصمات معاه على قبل الخدمة.
القصة المأساوية لي كشفات عليها صحيفة “الديلي ستار” وقعات في مقاطعة “جوها بورا”، الراجل شومور ومبغاتش تعطيه مراتو الفلوس وهو ينتقم منها بطريقة احتيالية. بليل دخل وحزرها ودار راسو غادي يبوسها، لكن كان مخبي موس تحت جنابو وجبدو وقطع ليها لسانها.
وقالت الزوجة في حديثها مع الموقع أنه شد لسانها بيدو على أساس غادي يبوسو لكن جبد الموس ومحساتش به حتى قطع ليها جزء منو، وخرجات للزنقة كتغوت وحالتها حالة.
سيارة الاسعاف حضرات وداو سيدة لسبيطار والأطباء نجحو يرجعو ليها الجزء المقطوع من لسانها لبلاصتو، لكن الألم كان صعيب بزاف.