اميناتو حيدار اللي سكتات على تعذيب صحراويين فتندوف منهم اقرباء ليها كتهدر على الحرب باسم البوليساريو: خاص تدخل عاجل باش ما تكونش حرب فالصحرا

غريب امر اميناتو حيدار رئيسة “تجمع المدافعين الصحراويين عن حقوق الإنسان”. فقد اعطت حوارا لوكالة الانباء الفرنسية في جنيف وفيه كررات ما قالته جبهة البوليساريو قبل ساعات بخصوص واش غادية تكون حرب فالصحرا
وأشارت فحوارها انها تطالب بوجوب التدخل العاجل باش ما توقعش حرب وان المجتمع الدولي خاصو يدخل قبل ما يضيع صبر الشباب في الصحراء وفقدانهم الأمل في “تحقيق تقرير المصير سلميا”، مضيفة أن وجهة نظر الشباب تحيل على ” عدم تدخل المجتمع الدولي إلا في حالة وجود دماء”.
دابا هادي ناشطة كتدعو للسلام ولات بوق للحرب لمنظمة عذبات وضربات وقتلات صحراويين منهم شي وحدين فعائلتها. منهم شي وحدين كتعرفهم.
اميناتو حيدار فراسها هاد قصص التعذيب وقصص الجلادين من قادة جبهة البوليساريو قبل سنوات ولكن ما عمرها بغات تهدر. دابا باش كلشي تفرش فقناة “الغربية” ضربات الطم.
عوض تهدر على هاد الشي ناضت كتقول ان على فرنسا والامم المتحدة واسبانيا يدخلو لتجنب الحرب وان هناك تملص للمجتمع الدولي بسبب “عدم تنفيذه لقرارات الأمم المتحدة وقرارات المحاكم لصالح حق الشعب الصحراوي في تقرير المصير”، مسترسلة أنه بدون غطاء أوروبا لا يمكن للمغرب أن يستغل الموارد الطبيعية ورفض جميع قرارات مجلس الأمن”.
دابا هاد الشي كديرو قبيل زيارة وزير الخارجية الامريكي بومبيدو للمغرب، الخارجية الامريكية قالت ان مشروع الحكم الذاتي اللي قتارحاتو الرباط “عندو مصداقية” و”واقعي”.