جمهور الحسنية حاصر فاخر فلانتيرمو بسباب التسجيل الصوتي والبوليس تدخل

كشفت مصادر سوسية، أن بعض مشجعي حسنية أكادير وقفوا لونتريمو اليوم الثلاثاء ديال الفريق، احتجاجا على المدرب امحمد فاخر، اللي لقى راسو محاصر من طرف المحتجين.
وأكثر من ذلك حاول بعضهم الاعتداء عليه، الشي لي خلا إدارة الفريق تعيط البوليس والقوات المساعدة باش يحميوا اللعابة والمدرب.
مصدر “كود” أكد أن هناك احتقان كبير في الحسنية مند إبعاد ميخيل گاموندي وتعيين بدله محمد فاخر، وزاد الغضب أكثر بعد الخسارة في جوج ماتشات متابعة أمام الرجاء البيضاوي وسريع واد زم.
وماشي بعيد يكون التسجيل الصوتي المنسوب الى الحبيب سيدينو، رئيس حسنية أكادير ورا هادشي كامل، لحقاش تكلم فيه على مادار بينو وبين المدرب امحمد فاخر، لي انتقد اللاعبين وطلب يطير بزاف منهم، لانهم ما صالحينش بالنسبة ليه، ووجه ليهم اتهامات خطيرة بلا ما يكون عندو حتا دليل.
هادشي ما تقبلوش الجمهور ، خصوصا أن التسجيل المنسوب لسيدينو وتحدث فيه مع مشجع كيتهم فيه اللاعبين بالتهاون وان بعضهم ما خاصهومش يكونوا فالفرقة من بينهم كريم باعدي، لاعب المنتخب الوطني.
هاد التسجيل غادي يتسبب في مشاكل كثيرة بين اللعابة والمدرب فاخر لي عوال على خزيت واخا الفريق حقق نتائج إيجابية مع گانوندي.