عموتة عيط لبانون باش يمشي للجزائر والكعبي عندو ضربة خايبة

الحسين عموتة، مدرب المنتخب المحلي، عبط لبدر بانون باش يلتحق بالكونصونتراسيو فالرباط، قبل ما يمشي مع ليكيب للجزائر نهار الخميس المقبل.
عموتة تستنا حتا شاف بانون لعب الماتش ديال الرجاء البيضاوي والنصر الليبي في مسابقة دوري الأبطال نهار الأحد لفات، وتأكد أنه ما عندوش شي حاجة خايبة، عاد عيط ليه.
بدر بانون سبق ليه غادر معسكر المنتخب الأول بمراكش بسبب الإصابة، وهي السبب لي خلات عموتة ما يعيطش ليه في المرة الأولى.
الحسين عموتة عوال على بنانو، لحقاش عندو تجربة كبيرة، وكان هو الكابيتان ديال المنتخب المحلي، لي فاز بالشان منين كان جمال السلامي مدرب.
بانون غادي يكون حاضر نهار الماتش ديال الجزائر السبت جاي فذهاب الإقصائيات الإفريقية المؤهلة إلى نهائيات كأس إفريقيا للمحليين. اما ايوب الكعبي ما غاديش يكون لحقاش عندو ضربة خايبة وما غاديش يكون واجد في الماتش.